“READY?”
Huminga nang malalim si Margaux bago tumango bilang tugon sa tanong na iyon ni Zeid. Pakiramdam niya ay malapit na sila dahil sinabihan na siya ng binata na ayusin ang sarili, na ginagawa niya na nang mga sandaling iyon.
“Bigyan mo naman ako ng background sa party na `yon,” aniya matapos silipin ang sarili mula sa front camera ng phone niya.
Mula sa kalsada ay saglit na ibinaling ni Zeid ang paningin sa kanya. Bahagya pa itong nagmenor sa pagmamaneho.
“Kinakabahan ka `no?” pang-aasar nito na inirapan niya lang.
“Bahala ka. Magkakalat na naman ako do’n,” banta niya bago muling sinilip ang sarili sa front cam.
Pumalatak si Zeid. “`Di ka na mabiro. Anyway, party iyon para sa mga investor ng expansion ng business ni Zeus dito sa bansa. Hindi pwedeng hindi ako pumunta dahil may s
