EPILOGUE
“MA'AM Dorothea, utang na loob huwag na lang po kayong umalis. Ma'am, please nagmamakaawa po ako sa inyo na manatili na lamang kayo rito sa bahay.” Taos-pusong nakikiusap ang isang kasambahay habang nakabuntot ito sa likuran ni Dorothea.
Humarang ito sa pinto ng kotse nang akmang bubuksan na niya iyon. Napabuga siya ng masamang hangin. Kung wala lamang siyang iniindang sakit ay malamang kanina pa niya naibalibag ang makulit na katulong.
“Ma'am Thea, please, please po huwag niyo pong iwan si Boss baka malungkot po iyon at magkasakit na naman katulad ng nangyari sa kanya noong iniwan niyo rin siya dati. Ma'am Dorothea, pakiusap dumito na lang ho kayo habang—”
“Maria Leonora Te— tididit, puwede ba huwag kang hahara-hara diyan kung ayaw mong malintikan sa akin. Pumasok ka na ng
