NAISIP ni Andres, hindi naman siguro masama kung mas kikilalanin niya si Trutty Charles. Hindi naman siguro masama kung hahayaan niyang mapalapit sila sa isa’t isa. May boses na nagsasabi na kapwa lang nila dini-distract ang isa’t isa pero naisip din niyang hindi rin siguro masama ang bagay na iyon. Paano kung lumago ang interes nilang dalawa? Paano kung humantong ang pagkakakilalang iyon sa isang magandang relasyon? Paano kung iyon ang dahilan kung bakit pumasok sila sa buhay nina Blu at Alana?
Hindi gaanong pinansin ni Andres ang boses na sumasagot ng mga negative sa mga tanong na iyon. Mas pinili niyang bigyan ng pagkakataon ang sarili. Gusto niyang siguruhin na nagawa niya ang lahat. Hindi niya gaanong sigurado kung bakit kailangan niyang gawin iyon pero iginiit pa rin niya.
Ang sumu
