HINDI inasahan ni Andres pero nag-enjoy siya sa party na pinuntahan nila ni Trutty Charles. Masaya at masigla ang crowd. Hindi siya gaanong na-out of place kahit hindi niya typical crowd ang mga naroon. Trutty Charles dressed up so wonderfully. Hindi na siya gaanong nagtaka nang lingunin sila ng halos lahat pagdating nila. Nagtatagal at nananatili ang mga matang nakatingin nang buong paghanga sa dalaga. The photographers loved taking her pictures.
Nakilala ni Andres ang kakambal ni Trutty Charles na si Tutti at ang girlfriend ng huli na si Mariquit. Parehong nasa show business ang dalawa kaya kahit paano, pamilyar siya sa mga ito. Madali rin niyang nakasundo ang dalawa. Hindi siya nahirapang makipag-usap sa kakambal ni Trutty na mukhang nagustuhan din siya.
Hinayaan ni Andres na maging t
