ISANG gabi, bumisita si Andres kay Alana. Kaagad binaha ng kaligayahan at pananabik ang dibdib ni Alana. Ilang araw na hindi siya nabisita ng lalaki dahil kinailangan nitong magpunta sa isang liblib na probinsiya para sa medical mission. Bago umalis, nagpaalam ito sa kanya. Naging abala rin si Blu kaya hindi pa siya nito nadadalaw. Maging si Ma’am Bernadette ay abala sa ilang charity works. Nagkaroon ng malaking gathering sa mansiyon kaya hindi rin nakabisita si Nanay Delia na siyang punong abala sa paghahanda. Maging si Lolo Jose ay hindi siya nadalaw.
Naiintindihan naman ni Alana na may ibang bagay na dapat pagtuunan ng pansin. Sinikap niyang huwag sumama ang loob. Pero hindi niya napigilang malungkot. Kaya naman tuwang-tuwa siya na makita si Andres.
Hindi nakaligtas sa paningin ni Ala
