PATULOY ang paglipas ng mga araw. Pagtuloy ang paghilom ng ilang sugat at pinsala sa katawan ni Alana. Patuloy rin siya sa pagsubok na makabalik sa kanyang katawan. Kahit patuloy na nabibigo, hindi niya hinahayaan na panghinaan siya ng loob at mawalan ng pag-asa. Kinasasabikan niya ang pagdalaw ng mga taong mahalaga sa kanya. Kinasasabikan niya ang mga baong kuwento ng bawat isa. Halos hindi siya nawawalan ng kasama sa kuwarto sa araw. Kahit hindi siya naririnig ng mga ito, pinilit na lang niyang maging masaya at kontento sa mga kuwento. Naisip niya na baka hindi nabibigyan ng ganitong pagkakataon ang ibang taong katulad niya na nasa bingit ng kamatayan. Maging ang mga nurse ay nakikilala na niya. Mababait ang mga ito at sadyang makuwento sa mga pasyenteng katulad niya.
Isang tanghali, ip
