PARAISO del Amor!
Ang isla ng pag-ibig na pag-aari ng ama ni Renzi. Nandito kami ngayong magkakaibigan sa isang private island na parte ng North Cebu para magbakasyon. At 'pag minalas ka nga naman, magkasama na naman kami rito nina Mark.
Ayoko sanang sumama dahil alam kong makikita ko na naman siya pero itong si Dimples, mapilit. Buntis na naman kasi at ako ang pinaglilihian. Malaki na nga ang tiyan ay ako pa rin ang pinagtitripan. Gustong lagi akong nakikita. Kaya naman ay napipilitan na lamang akong sumama.
Pababa ako ng hagdan nang makita ako ni Dim.
"Lan, pakibigay naman 'to kay Mark, o? Nasa lobby siya. Sabihin mong siya na ang magbigay kay Hiro. Hindi ko kasi mahanap ang pasaway na 'yon."
Tengene! Bakit ako pa ang inutusan?! Nananadya yata 'to si Dim,eh!
Pero malabo dahil wala
