NANDITO ako sa mundo ng mga tao... sa mansiyon ni Travious at nakahilata ako sa kama ko. Nag-iisip ako ng mga puwedeng gawin ko bilang Underworld Goddess.
Sinabi ko na rin kay Travious lahat ng mga kababalaghang nangyayari sa akin. Masaya siyang makita ang Underworld Goddess at sobrang saya rin niya dahil siya ang maswerteng nag-alaga sa akin, karangalan daw niyang tulungan ako. Nagpasalamat rin naman ako sa kaniya at sinabi na kahit ano ang nais niya ay ibibigay ko bilang kapalit ng mga naitulong niya sa akin pero tumanggi siya.
Napabuntong hininga ako, lumalakas ako sa mundong ito kaya dito muna ako. Sobrang tahimik rin sa palasyo ko saka may manggugulo rin sa akin doon. Hindi ako makapag-isip ng maayos.
Ipinikit ko ang mata ko dahil mukh
