KITANG kita ko ang pagkagulat sa mga mata nila. Hindi sila makakilos at ilang sandali pa bago sila nakapagsalita.
"C-Creseal?!" pasigaw na tawag ni Dark sa pangalan ko. Sa amin pa rin nakatuon ang atensiyon ng lahat.
Lumapit siya sa akin at niyakap ako ng mahigpit. Ilang sandali lang ay sumunod na rin ang iba pa. Niyakap ko rin sila pabalik. I missed them.
"Bumalik ka!" masayang sabi ni Shandie. Tumili pa siya dahilan para mapatawa ako.
"Ang sakit, Shandie," reklamo ni Draz sa boses ni Shandie.
Kumawala rin sila sa pagkakayakap at tiningnan nila ako ng mabuti.
"Ang cool! Isinilang ka ba ulit Syranah? Ang bilis mo naman yatang lumaki? " Draz said wearing his confused look. Binatukan naman siya ni Krioz.
