TOM'S P O V
" Sino kaya ang may sakit? Ano sa palagay mo? " usisa ko kay Sarah habang kinakain na namin ang meryendang bilo- bilo tsaka strawberry juice na dinala ng aming kasambahay.
" Baka may nobya na siya o ibang kasama. Parang hindi naman siya ang may karamdaman e. " kibit balikat na sapantaha niya
" Mukha nga! Pero okay na rin, at least, hindi ka niya babawiin sa akin. " malaki na ang ngiting saad ko sabay kindat kay Sarah na inirapan lamang ako.
Kaya nama natawa ako dahil namula ang kanyang magkabilang pisngi.
" Uy! Kinikilig na 'yan! H'wag mo nang pigilan at baka sa ibang butas lumabas iyang tawa mo. " kiniliti ko pa siya sa kanyang tagiliran gamit ang aking daliri
" Ano ba!? " saway naman niya sa akin sabay hampas sa braso ko pero naka ngiti na siya
" Ayan! H'wag mo ka
