PHILIPPE
Nasa labas ako ng silid ng anak kong si Alessan. Si Alessandra naman ay pinatutulog ang bunso namin. Habang pinanonood ang mag-ina ko ay nag-vibrate ang cellphone ko na nasa bulsa. Agad kong kinuha sa bulsa ng pantalon ko. Isang text ang natanggap ko na hindi ko kilalang numero dahil unregistered ang numero.
Sino kaya itong nag-message sa akin. Wala namang ibang nakaaalam ng numero ko maliban sa mga pamilya ko at piling kaibigan. Agad kong in-open ang text message. Habang binabasa ko ang message ay napakunot ang noo ko at binaling ang tingin ko kay Alessandra.
Nag-igting ang panga ko. Bakit sinisiraan ng taong ito si Alessandra sa akin? Bakit ko naman paniniwalaan ang taong ito kaysa sa asawa ko na kasama ko ng labing apat na taon. Hindi niya magagawang lokohin ako. Tinawagan
