Matapos kong asikasuhin ang lasing kong amo ay iniwan ko na rin siya sa silid kung saan ko na lamang siya pina-diretso kanina. Dahil kung sa silid niya pa sa second floor ng kanyang mansion ay baka mahirapan pa ang mga taong umaalalay sa kanyang mabigat na katawan dahil tulog na tulog na talaga si Sir Damian.
Tipong kahit hagisan mo pa siya ng bomba at magunaw ang mundo ngayong oras na ito ay malabo siyang magising.
Sa palagay ko ay talagang pagod na pagod ang aking amo sa kanyang mga kung anu-anong mga pinagkakaabalahan nitong mga nakaraang araw. Wari ba na ngayon lang siya nakapag pahinga ng mabuti at nakatulog ng mahimbing.
Kaya mabuti na lang at marami naman bakanteng silid dito sa unang palapag ng maging komportable agad ang kanyang pagpapahinga.
"Ana Joy, anong ginagawa mo sa sil
