"Naiintindihan ko naman na sa loob ng ilang taon ay wala kaming alam tungkol sa mga bata. Pero ang hindi ko maintindihan ay kung bakit hindi mo agad sinabi sa amin ang tungkol sa triplets gayong narito na kayo? Why, Ana Joy? Karapatan ni Kuya Damian na malaman ang tungkol sa mga anak niya."
Matapos nga naming kumain ni Tine ay nagsimula na kaming litisin ni Ma'am Debborah. Lalo tuloy akong na guilty sa hindi agad pagsabi ng tungkol sa mga anak ko dahil hindi ko akalain na ganito niya kainit na tatanggapin ang kanyang mga pamangkin.
Wala pa nga talaga akong inaamin pero siguradong-sigurado na siya na mga pamangkin at kadugo niya ang mga bata. Ibang-iba sa mga sinusubaybayang teledrama ni Tine. Kailangan pa ng maraming katibayan at mag pa DNA test ang isang nagpapakilalang anak para mapat
