"Hindi ako titigil hanggat hindi kita napapatay, Jerwin!" gigil na gigil kong sigaw dito sa gitna ng masukal na gubat kung saan ko nakitang tumakbo si Jerwin upang tumakas na naman.
Hindi ako nagdalawang isip na sundan siya kahit pa naiwan ang mga tauhan ko sa lugar kung saan namin natunton ang kubo kung saan nakatira ang kaibigan kong traydor.
Handa kami ng mga tauhan ko sa posibleng may mga kasama rin naga tauhan ang tinutugis namin ngunit ang hindi namin napaghandaan ay ang mga taong nakatira dito sa maliit na isla na nakuha na ni Jerwin ang mga loob dahil nagpanggap siyang isang mabuting doktor na handang tumulong sa mga maralitang mamamayan.
Kaya naman nahirapan talaga kaming tugisin siya sapagkat una ng humarang sa amin ang mga taong sibilyan na kanya ng mga nauto bilang isang map
