CHAPTER THIRTY – AM I IN HEAVEN?
Marahan niyang iminulat ang kanyang mga mata. Ramdam niya ang pagkahilo at sobrang bigat na katawan. Bumungad sa kanya ang mukha nina Mark, Irvin, Aling Lola Susan niya. Nakita niya rin sina Tita Noraine kasama ang kambal na sina Rephy at Amphy. Ang mas gumulat sa kanya ay ang makitang pati ang kanyang lolo at lola ay nandoon din. Nakapalibot ang mga ito sa kanya na parang bang tuwang-tuwa na nagising siya.
Ang huli niyang naalala ay nang harangan siya ni Jonah at sa huli ay tuluyan siya nitong binaril habang tumatakbo siya. Nakaramdam siya ng kirot sa kanyang bandang dibdib. Nakangiwing muli siyang napatingin sa lahat na biglang nawala ang ngiti sa kanilang mga labi. Napalitan iyon ng pangamba.
“I-Ito na ba ang langit?” tanong niya kahit na nahihira
