CHAPTER TWENTY-FOUR – THE PAST
“J-Janine…” nagulat sina Aling Susan pati na sina Mark at Irvin na kasama nitong nag-a-almusal nang bumaba siya at binigay niya rito ang pasalubong niyang tasa. Matapos ang buong araw na pagmumumokmok ay nakapagdesisyon na siya na pakinggan ang paliwanag ng mga ito, lalo ni Aling Susan.
“Pasalubong ko sainyo.” Simpleng sabi niya. Nakita niyang nakataas ang kilay ni Irvin na nakatingin sa kanya. Hindi yata ito makapaniwala na maging ito ay may pasalubong din galing sa kanya.
“G-gusto mo ba ng kape? Magluluto ako ng hotdog. Teka lang—“ natatarantang sabi ni Aling Susan.
“Huwag na po. Mas gusto ko pong marinig ang lahat-lahat. Gusto kong malaman kung maliban sa mga narinig ko ay may dapat pa ba akong malaman.” Pilit niyang tinigasan ang boses para magtunog
