Chapter 31:
Natuto si Lila kung paano ayusin ang sarili. Mula sa pagtatali ng kaniyang buhok, paglalapat ng pulbo at pag-guhit ng tintang panglabi sa mga labi niya. Binilhan siya ni Ryllander ng mga gamit pambabae na magagamit niya sa pang-araw-araw.
Kung minsan ay biglang pumipintig ang puso niya sa tuwing nagpapakita ng magandang pakikitungo ang Amo niyang suplado sa kaniya, subalit hindi niya iyon binibigyang pansin. Batid niya na pagpapanggap lamang ang lahat ng namamagitan sa kanilang dalawa. Tanging ang pagiging peke ang totoo sa mga bagay na pinapakita ng Amo niya.
Wala sa mansiyon si Ryllander, kaya naman ay malaya siyang nakipag-usap kay Lordes. Naikuwento niya sa Ginang ang paghalik sa kaniya ni Ryllander sa pagtitipon kung saan sila dumalo. Ganoon na lamang ang kilig ng Gin
