ROSE
Hindi ko kayang harapin si Augustine at Serenity, kaya hangga't maaari ay iiwasan ko muna silang dalawa. Diyos ko, patawarin n'yo sana ako. Araw-araw kong pagbabayaran ang kasalanan ko sa aking pamangkin at nobyo ko.
Hindi ko lubos akalain na nagawa namin iyon ni Dominic. Hindi ko pa rin matanggap ang nangyari sa aming dalawa.
"Hello po, nandito ba ngayon si Tita Rose?"
Nang marinig ko ang boses ni Serenity ay bigla akong pinagpawisan. Ano ang ginagawa niya dito? Sinabi ba sa kaniya ni Dominic ang sikreto naming dalawa? No, hindi pwede!
"Halika hija, pasok ka. Ano ang gusto mong inumin habang hinihintay mo siya?"
"Tubig na lang po," magalang na saad niya habang nakatingin siya sa flower vase na nasa harapan niya.
Nakalimutan ko pa lang sabihin sa mga kasambahay ko na huwag
