Agnes’ POV
GUSTUNG-GUSTO ko ang reaksyon na nakita ko sa mukha ni Monique sa pagbabalik ko sa bahay. Gulat na gulat siya at talagang hindi siya makapaniwala. Ang akala yata niya ay habangbuhay na akong hindi babalik at inakala niyang hahayaan ko na lang si Tristan na tuluyang mapunta sa kaniya. Oo, noong una ay ganoon talaga ang plano ko-- ang tuluyang lumayo sa kanila ng asawa ko. Mabuti na lang talaga at may kaibigan akong katulad ni Lulu na nagpa-realize sa akin na kailangan kong ipaglaban si Tristan at hindi ko siya dapat basta-basta isuko sa kabit nito.
Kaya nandito na ulit ako sa bahay para bawiin ang dapat ay sa akin. Dinadala lang ni Monique ang anak nila ni Tristan pero ako pa rin ang asawa. Ako pa rin ang may mas karapatan kesa sa kaniya!
Pipigilan pa niya ako kanina sa pagpas
