Tristan’s POV
ALIW na aliw ako sa malakas na pagtawa ni Monique habang nagkukwento siya sa isang experience niya sa kaniyang trabaho. Isang misis daw kasi ang nang-away sa kaniya habang kumakanta siya dahil nagseselos. Palagi daw kasing nanonood ang asawa nito sa kaniya kapag kumakanta siya sa hotel kung saan siya nagtatrabaho. Seryosong bagay iyon pero tinatawanan lang ni Monique. Parang nakikita ko tuloy sa kaniya si Agnes noong una ko siyang makilala. Masayahin at palaging nakatawa o nakangiti. Kaya hindi na rin ako nagtataka kung bakit naging kaibigan siya ni Agnes. Magaang kasama si Monique. Madali itong pakisamahan at makasundo.
Nasa isang bar kami sa Tagaytay. Tanaw mula sa table namin ang Taal Lake kaya maganda ang view.
“Grabe! Napatigil talaga ako sa pagkanta nang murahin niya
