JIA'S POV
Dahil sa nalaman ko kay Drey ay mas lalo akong natakot. Galit din ang nangingibabaw sa puso ko dahil tiyak ko na ngayon na miyembro ng gang si Joshua. Napag-usapan kasi namin iyon ni Drey noong huling punta niya. Imposible naman kasing magkaroon siya ng mga tauhan gayong puro online games lang ang alam niya.
Sabi ng mga kapitbahay ko ay si Joshua raw ang target ng mga bumaril noong huli ko siyang nakita. Marahil ay kalaban niya iyon sa mga sinalihan niyang organisasyon. Sobrang nasasaktan ako na ang ang bestfriend ko ay naligaw ng landas.
Isang araw ay sinubukan akong kausapin ni Joshua ngunit hindi siya nakalapit sa akin dahil sa mga tauhan ni Drey na grabe kung makabantay. Daig pa nila ang gwardiya sibil noong panahon ng Kastila. Minsan ay hindi ako halos makahinga dahil s
