LUMAPIT SI LORNA sa kinatatayuan nilang magkapatid. Kinuha pa nito ang kamay ni Urgoz para magmano kaya lalong nainis lang siya rito. Sa isipan niya, pwede naman sana na siya ang unahin nito. Pero bakit ang panganay pa niyang kapatid?
Napabuntonghininga na siya nang ibinaling na ni Lorna ang atensiyon sa kanya. Tiningnan siya nito nang may pagtataka pero dahil naiinis nga siya rito, sinamangutan niya lang ito.
Nanlaki ang mga mata ni Lorna at iyon ang gusto niyang maramdaman nito. Ninanais niyang isampal dito na naiinis siya rito. Ninanais niyang mapagtanto nito na dapat sa kanilang dalawa ni Urgoz, siya ang prayoridad nito. Ano ang silbi na gusto siya nito? Kung hindi naman siya ang inuuna.
Bilang isang lalaki, may karapatan naman siguro siyang maghangad ng pagtrato nang naaayon sa r
