"Salamat po," pasasalamat niya sa sekretaryang naghatid sa kanya sa opisina ni Mr. Saavedra.
"Good morning po," bati niya nang maisara ang pinto pagpasok.
"Good morning, Ms. Anya Garcia," bati ng lalaking nakaupo sa swivel chair sa may mesa. Sinulyapan niya ang lalaki, nakayuko ito at tila may binabasa sa papel na nakapatong sa mesa.
"Have a seat, Ms. Garcia," sabi ng lalaki at nag-angat ng mukha.
Nanlaki ang mga mata niya nang mapatitig sa lalaking nakaupo. Nahinto siya sa paghakbang at napako ang mga mata sa lalaking kaharap. Pinakatitigan niya ang lalaki. Hindi siya maaaring magkamali—kilala niya ang lalaking kaharap. Lumipas man ang limang taon, hinding-hindi niya kayang kalimutan ang mukha ng lalaking kaharap ngayon.
"Gael? Gael Saavedra?" mahinang bulong niya. Nais niyang manigu
