MAAGA akong nagising kinabukasan. Masarap ang naging tulog ko dahil sa mga pinag-usapan namin ni William kagabi. Excited na ako sa susunod na pasukan dahil ie-enroll niya raw ako. Ngayon pa lang ay nakikita ko na ang sarili ko na umaakyat sa stage at sasabitan ng medalya at aabutan ng diploma.
Bumangon na ako at sinulyapan si William na nakahiga sa sofa bed. Napangiti ako. Ni minsan hindi sumagi sa isip ko na mangyayari ito. Magkasama sa isang bakasyon at magkasama sa iisang kwarto.
Pumasok na ako ng banyo at naligo. Maaga akong maghahanda para paggising niya ay ready na ako at siya na lang ang hihintayin ko. Balak ko rin kasi ang maglakad-lakad ng maaga sa dalampasigan. Gusto kong makalanghap ng pang-umagang hangin sa tabi ng dagat.
Floral maxi dress lang ang suot ko, papatungan ko n
