COLEEN BARETTO
NANG NATAPOS KAMI sa ginagawa namin ay pinaalahanan ako ni Ate Grace na may showbiz reporter na nag-aabang sa amin sa labas. Alam ko kung ano ang pakay nila. Magtatanong tungkol sa viral audio ko. Iyon naman kasi ang trabaho nila. Kung saan ang apoy, roon sila. Pero hindi naman ako takot humarap sa kanila dahil totoo naman akong tao. Walang takot akong sumasagot sa mga tanong nila. Noong bago pa lang ako, ang ugali ko ang pinag-iinitan nila. Mabuti na lang ay marami akong supporters na tanggap ang buong pagkatao ko. Kahit anong issue ang binabato sa akin ay hindi nakakaapekto iyon sa kanila. Mahal pa rin nila ako. Minsan, naaawa na lang kay Jack kasi nakadikit din ang pangalan niya sa akin. Napakabait pa naman ng fiancé ko.
Paglabas namin ng opisina ni Jack, nakatuon na ag
