Isang nag-aagaw buhay na lalaki ang pilit isinasalba ng mga doktor. Iyon ang napapanood ni Hexur sa monitor ng isang malaking screen sa harapan niya. May mga tama ng bala ang lalaki at hindi na hlaos makilala. Nanginginig naman ang mga manggagamot habang ginagawa nila ang kanilang tungkulin. May walong lalaki kasi na armado ng mga baril ang nakabantay sa kanila.
Habang kasagsagan ang mga doktor sa pagtanggal ng bala sa katawan ng lalaki ay bigla itong nag-flat-line. Nag-panic ang mga doktor dahil sumisigaw na ang isang lalaking mahaba ang balbas. Siya ang kanang-kamay ng lider ng Vinsue Group na noon ay inoperahan dahil napalaban ito sa mga alagad ng batas.
Bago pa nakalabit ng galit na lalaki ang gatilyo ng baril n'ya ay biglang namatay ang ilaw sa buong silid. Nagsigawan ang mga dokto
