CHAPTER 48
ANDREA's POV:
KAHIT NAKAUWI na kami ng bahay ay meron pa rin talagang nagmamasid sa amin. Hindi ko lang makita at madakip ang matang sumusunod sa amin ni Tyron. Masyado kasing mailap ito.
Kaya inutusan ko si Manang na i-lock nang mabuti ang gate at siguraduhin na huwag aalis ang guard. Hindi pwede siya na maging tatanga-tanga gayon na kakaiba ang kutob ko sa paligid.
Pero hindi ko pinahalata sa bata na meron akong nararamdaman na kakaiba dahil ayoko namang matakot ang anak ko.
But I'm sure na merong kinalaman dito si Mrs. Arellano. Tiyak kong kilala niya ang taong nagmamasid sa amin at baka nga siya pa ang punot-dulo ng mga pangyayari ngayon sa amin ni Tyron.
Pinaghihinalaan niya na yata ang batang kasama ko. Ang matandang 'yon, wala talagang kontrol ang pag-iimbestiga.
