OSCAR #41
(1)
Nang ipaalam kay Oscar ng kaibigan niyang si Marvin ang kinaroroonan ni Ethan, para siyang nabuhayan ng loob. Sa unang pagkakataon sa halos anim na buwan ay napangiti siya ng tunay. Yung ramdam niya na talagang masaya siya. Matatapos narin sa wakas ang kanyang kalahating taong paghihirap at pangungulila sa kanyang mahal na pamangkin.
Labis ang kanyang ginawang pasasalamat sa kaibigan. Kung wala ito, siguro ay nabaliw na lamang siya sa paghahanap.
"Maraming salamat, pre." aniya kay Marvin at nakipag kamay pa siya rito at tinapik-tapik ang likod nito.
"Putang ina. Wala iyon, pre. Kindat lang naman ang ginawa ko sa babae naming hepe at ito na ang gumawa ng trabaho." anito at tumawa pa ng nakaloloko.
Napa-iling na lamang siya.
"Pero pre, wala namang record iyong Matteo. Si
