WALA SA MOOD si Cadence nang gumayak siya papuntang university. Hindi na siya nagpasama pa sa mga pinsan dahil sandali lang naman siya. May isang subject kasi siyang hindi nakuhanan ng schedule kaya naman kailangan niyang bumalik.
"Parang ang tamlay mo. Ayos ka lang ba?" tanong ng mommy niya habang hinihipo pa ang kaniyang leeg at noo.
Umiwas siya rito. "Yes, mommy. Okay lang po ako."
"Pwede mo naman yatang bukas na lang kuhanin iyang pakay mo sa university. Magpahinga ka kaya muna?"
Umiling siya. Ayaw niyang sabihin na iba ang dahilan kung bakit sya matamlay. Ayos lang naman talaga siya. Sadya lang na wala siya sa mood dahil hindi natuloy ang pag-uwi ni Aga sa kanila.
Gustuhin man niyang intindihin, sumasama talaga ang loob niya rito.
'Paano kung may kumidnap sa akin tapos wala s
