HINDI MAIPINTA ang mukha ni Aga habang nagmamaneho ng sasakyan. Hindi na siya umangal nang sabihin nito kay Kuya Manny niya na dito siya sasabay. Kahit malamig ang aircon, pakiramdam ni Cadence ay pinagpapawisan siya dahil sa kaba. Alam naman niya na wala siyang ginagawang masama pero tila iba ang aura ngayon ni Aga.
Nakakunot ang noo nito at seryosong nakatingin sa kalsada. Ang lahat ng atensyon ay nasa pagmamaneho.
Sinubukan niyang magpapansin dito sa pamamagitan ng pagkatok sa bintana pero kahit tingin ay hindi nito ginawa. Napanguso na lang siya.
"Aga?" tawag niya rito.
"Hmm?" tanging iyon lang ang tugon ng nobyo niya.
Sumimangot na si Cadence saka marahas na bumuga ng hangin. "Galit ka ba sa akin?" tanong niya.
"Hindi."
"Hindi raw pero hindi naman ako pinapansin." Humalukipkip
