GWAPONG-GWAPO si Cadence kay Aga nang makalabas sila sa salon na pinagpagupitan nito. Magkahawak ang kanilang mga kamay habang naglalakad sa mall. Nakangiti siya at pasimpleng napapailing dahil pinagtitinginan sila ng mga taong nakakasalubong nila.
"Bakit?" tanong ni Aga nang mapansin na naiiling siya.
"Pinagtitinginan ka ng mga nakakasalubong natin."
Tila nagulat naman si Aga sa sinabi niya. Lumingon pa ito sa paligid at nang mapansin na totoo ang kaniyang sinasabi, napayuko ito sa kaniya. "B-bakit? May dumi ba ako sa mukha?" tanong nito habang hinahawakan pa ang sariling mukha.
Tinitigan niya ang mukha nito at hinawakan pa ito sa pisngi. Animo sinusuri nang mabuti kung mayroon nga bang dumi roon. Maya-maya ay pinisil nito ang pisngi. "Walang dumi." Binitiwan niya iyon.
"E, bakit nil
