SA BAHAY NA nila Cadence nag-dinner si Von dahil inimbitahan na rin ito ng kaniyang mommy. Mukhang magaan din ang loob ng kaniyang ina rito dahil napapatawa ito ng kaibigan.
"Maraming salamat po sa dinner, tita. Nabusog po ako nang sobra," ani Von habang hinihimas pa ang tiyan.
"Walang anoman, hijo. Salamat din sa pagbisita mo rito sa anak ko. Kung hindi ka dumating ay baka nagmukmok lang ito aa kwarto niya."
Lumingon sa kaniya si Von. "Iyon ang huwag mo gagawin. Nandito kami para makinig kapag kailangan mo ng kausap. Isa pa, huwag ka masyado mag-isip ng mga kung ano-ano dahil hindi pa naman kayo break. Baka kailangan lang ninyo ng space kaya ganoon si Aga."
Ngumiti siya rito. "Alam ko naman iyon, Von. Pero normal lang din naman kasi ang masaktan, di ba kapag cold ang mahal mo sa iyo.
