SA MGA ARAW NA nagdaan, laman ng isipan ni Cadence ang bagay tungkol sa Countryspy ADL. Isipin pa lang niya na siya ang mamamahala noon ay sumasakit na ang kaniyang ulo. Kahit pa sabihin na tutulungan siya ni Aga, iba pa rin talaga kapag may kaalaman sa ganoong business. Masyadong maselan at komplikado.
"Hoy! Kanina pa ka tulala!" ani Azariah habang nasa garden sila. Kasama nila si Aliona pero kumuha ng pagkain sa kusina.
Ngumiti siya agad dito. Hindi p'wedeng malaman ng kahit na sino ang bagay tungkol sa secret agency ng kaniyang abuela. "Iniisip ko lang kung kailan kami uuwi sa Bulacan."
"Ay gusto mo na umuwi? Ayaw mo na ba rito?" tanong nito.
Nasa mga halaman ang kaniyang tingin. "Hindi naman sa ayaw ko rito, Azariah. Syempre nandoon talaga ang bahay namin. Nandoon ang nakasanayan
