'What are you doing now?'
Ilang beses na siyang napa irap dahil bawat ahon at tingin niya sa phone ay laging may text si Elijah. Tinatanong kung anong ginagawa niya. Akala niya ba ay ito ang 'wag niya masyadong ma-miss. Bakit parang baliktad naman yata ang nangyayari.
Nakikita niyang magkasalubong ang kilay ng ninong niya dahil nasa phone lang ni Elijah ang atensyon nito imbes na sa kung anong dapat nilang gawin. Hindi niya mapigilang matawa.
Sandali pa niyang nilibang ang sarili sa mapayapa at malamig na tubig hanggang sa mapagod siya. Nagbihis at kumain ng mga inihanda sa hapag. Masyadong tahimik ang mansyon kaya pinili niyang sa kwarto na lang ni Elijah mamalagi.
Nang muli silang magkausap ay sinabi nitong patungo ang mga ito sa Australia. Hindi niya tuloy mapigilan ang gaba niya sa
