HINAYAAN ni Marissa na makulong sa mahigpit na yakap ni Lance habang sinasariwa ang ginawang pag-angkin nito sa kanyang katawan. Hindi niya inaakalang ang masamang nangyari noon ay magdudulot ng matinding klase ng kaligayahan sa kanya. Blessing in disguise nga marahil ang pagkapadpad niya sa lugar na iyon. Dahil kung hindi, hindi rin niya makikilala ang lalaking sinasamba ang kanyang katawan ngayon—ang lalaking sumusumpang mamahalin siya.
Si Lance. Ang lalaking pinagparayaan niya ng katawan at puri. Wala siyang ni katiting na pagsisisi sa ginawa. Wala siyang ibang naiisip na lalaking maaari niyang pag-alayan ng kayamanang iyon.
“Ang tahimik mo. Please don’t tell me you regret what happened.”
Nag-angat siya ng tingin kay Lance. Napakaseryoso ng hitsura
