NAKATITIG pa rin sa mesa si Marissa kahit pa tapos na silang kumain ni Mama Betty. Siya ang nagluto ng pananghalian nila pero hindi man lang iyon natikman ni Lance. Hindi kasi ito dumating. Pupunta raw ito sa farm dahil may emergency. Bigla tuloy siyang nalungkot. Kay Mama Betty lang ito nagpaalam.
Hindi lang naman ang lunch ang ikinalungkot niya. Gusto niyang makita at makausap si Lance dahil sa sinabi ni Mama Betty kanina. Hindi naman sa hindi niya inaasahan ang marinig iyon mula sa ginang. Pero kahit papaano ay kailangan niya ang comfort ni Lance. Dahil ito lang ang may kapangyarihang magpadama niyon sa kanya.
Kinuha niya ang cellphone at sinimulang i-text ang binata.
I miss so much. See you later.
Maiksi pero iyon ang nais niyang mangyari. Ang sana’y umuwi ito upan
