MULING nag-replay sa utak ni Marissa ang sinabi noong nakaraan.
I won’t go! Over my dead body!
Bakit nga naman niya pahihirapan ang sarili? Alam niyang malaki ang inis sa kanya ni Lance. Hindi niya pwedeng makasama ito nang isang buong araw!
“Excited?”
Napabuntong hininga si Marissa nang lumapit si Lance sa sasakyan kung saan siya nakasandal. She’s been there for quite a while waiting for him.
Oo na! Siya na ang hindi mapanindigan ang sinabi. Siya na ang walang magawa sa pakiusap sa kanya ni Mama Betty. Kaya naman heto siya ngayon, kinakain ang lahat ng pinangako sa sarili.
Mag-aalas siyete na at kanina pa sila tapos mag-agahan kaya naman akala niya ay aalis na sila ni Lance. Kaya lang kahit tinubuan na siya ng ugat sa paa ay hindi pa rin ito lumalabas ng bahay. Babalik na sana
