“What?” gulat na wika ng dalaga. Kasalukuyan silang nakaupo sa malaking couch ng opisina ni Magnus. Katabi niya ang mommy at daddy niya. Sa harap naman nila ay ang parents ni Dos.
“I am not going to marry your son,” ani CT. Kaagad na kumunot ang noo ni Cindy at pasimpleng kinurot ang tagiliran niya.
“Ayusin mo ang pananalita mo, Cynthee Maeir,” mahinang wika ng ina niya. Saktong silang dalawa lang ang nagkakarinigan.
“Mommy,” ungot niya sa ina. Ngumiti nang malapad ang ina niya.
“May kasunduan kami noon na kapag umabot kayo sa edad na viente siete at wala pa rin kayong asawa ay ikakasal kayong dalawa,” ani ng in ani CT. Hindi na rin nagulat si CT kasi nasabi na iyon ni Dos noon. Napatingin si CT kay Dos na tila hindi tumututol.
“Hindi ka tutol?” tanong niya kay
