Naglalakad si CT sa gilid ng daan dahil malapit na rin ang due date niya. Nag-e-exercise siya sa tabi ng daan. May trabaho kasing tinatapos si Dos para makasama siya 24/7 lalo pa at malapit na siyang manganak. Habang naglalakad ay natigil siya at nawala ang ngiti nang makita ang lalaking kilalang-kilala niya. Nakangiti ito na parang demonyo at halata sa mukha ang kasamaan. Kaagad na napahawak siya sa tiyan niya at sobrang lakas ng kabog ng dibdib niya.
“Kumusta ka na, CT?” ani nito at ngumisi. Kaagad na nanindig ang balahibo ni CT at napatingin siya sa paligid. Lalong lumakas ang tahip ng dibdib niya nang makitang wala pang masiyadong mga tao. Kaagad na sumigid ang kabang hindi niya maipaliwanag.
“S-simon,” mahinang sambit niya.
Namulsa ito at nilapitan siya.
“Hind
