Kabanata 32
Mga Bata
Ilang beses akong nagdasal na sana huwag na siyang magsalita. Na sana manahinik na lang siya. Na sana mawalan na lang siya ng boses. At mukhang dininig naman ng maykapal ang aking mga hiling. Tahimik lang siya habang nagmamaneho kahit na ilang beses ko siyang narinig na bumuntong hininga.
Pumasok kami sa isang pamilyar na subdibisyon. Naalala kong dito na nakatira sina Mary at Adam. Tama ang aking pagkaalala dahil dumaan kami sa kanilang bahay.
Nakita kong nagpipyestahan na naman ang mga ilaw sa kanilang bahay kahit papagabi pa lang. Gusto ko sanang bumaba pero baka kung magsalita ay magsasalita din siya. Kaya better to keep shut na lang siguro.
Huminto kami sa harapan ng isang malaking bahay na ang design ay pang somewhere upper west. Nakita ko agad si Arcise na
