Author's POV
LUMIPAS ang isang linggo na hindi na nga nagpakita si Lucas kay Maxine. Matapos ang eksenang iyon sa Unibersidad hindi na nagparamdam pa ang binata.
“Akala ko ba magiging slave niya ako,” kausap ni Maxine sa sarili. Nasa harap siya ng salamin at sinusuklay ang lagpas balikat niyang buhok. “Sabagay, okay na rin ‘tong ganito. Isa pa, baka hindi na niya itutuloy 'yong kontrata.”
“Sinong kinakausap mo?”
“Ay palaka! Diyos ko ‘Nay, ginulat mo naman ako,” bulalas ni Maxine nang lingonin ang Ina. Hindi niya namalayan ang pagsulpot nito.
“Sino ba kasi kinakausap mo?” tanong uli ni Perlita sa Anak.
“Wala. Kausap ko sarili ko.”
“Kuh, bata ka.”
Nagpahid ng konting lipstick ang dalaga at naglagay ng polbo sa mukha saka humalik sa Ina.
“Sige ‘Nay, alis na ako.”
“Mag-inga
