Kabanata 38
TAHIMIK lang na nakikinig si Veronica sa abuela habang nakaupo sa kama paharap sa kanyang abuelo at abuela. Unti-unting tumutulo ang kanyang luha sa naging pasya ng mga ito tungkol sa landas na tatahakin.
“Naiintindihan mo ba kami Veronica?” tanong ng abuela.
Lakas loob na umiling si Veronica, “hindi ko po kayo maintindihan La kung bakit ninyo itong gingawa sa amin. Matanda na po kami at may sarili nang pag-iisip. Bakit pati desisyon namin ay inyong pinapakialaman.”
“Ang lahat ng ito ay para saiyo, hija. Ayaw ka lang namin na pumasok sa pag-aartista.”
“Bakit po si Homer ay puwede? Umabot pa nga siya ng ibang bansa, sobrang unfair naman po iyon, Lola.”
“Hindi mo kami naiintindihan apo. May mga bagay na sadyang kami lang ang nakakaalam upang hindi na kayo masaktan. Lalaki
