Kabanata 46
MABILIS pa sa alas kuwarto ang pagtakbo ni Veronica paalis nang makarating na sila ng bayan. Wala na siyang pakialam sa mga taong nakabubunggo niya minsan. Lakad takbo ang kanyang ginawa para lang matakasan ang mangingisdang lalaki.
Nang masigurong nakalayo na siya ay saka palang siya huminto. Hingal na hingal si Veronica.
“Hindi ba siya ang artistang may scandal ang mga magulang?” biglang turo ng isang ginang habang hawak-hawak nito ang pinamiling mga gulay.
“Oo nga! Siya si Veronica Montecilio!” may lumapit pang isa. “Hoy, may artista dito!” dagdag nitong sigaw na siyang nagpaalarma sa kanya.
Tumakbo na naman si Veronica. Wala na siyang pakialam kung saan siya dadalhin ng kanyang mga paa. Ang importante ay makaalis siya sa mataong lugar.
Nagpapasalamat nalang siya d
