Kailan ba siya aalis? Magtatagal ba siya sa Nieves? Kung magpapatuloy siya doon baka malaman niyang nandito kami. At ano ba ang ginagawa niya dito? Bakit sa layo nitong lugar ay narating niya pa talaga ito?
“Lurena!” Boses iyon ni Harry.
Dahil sa malalim na iniisip ay hindi ko na namalayan ang presensya ni Harry na nasa labas ng bahay. Gulat na gulat siya at hindi alam kung lalapit ba sa amin. Pero kalaunan ay nilapitan nga kami para alalayan ako.
“Pumunta tayo ng hospital. Ano ba kasi ang nangyari?”
Gusto ko sanang magsalita pero naunahan ako ng anak ko.
“Iyong gagó na driver ng kotse na iyon binunggo ang mama ko. Hindi naman siya taga-rito sa Nieves, e. Kung bakit pa talaga siya hinahayaang magpunta dito. Ang mga tàtanga-tanga na mga tulad no'n ay di dapat pinapagala sa Nieves,”li
