“Hades!” Umalingawngaw ang boses ko sa buong mansion. Kung makasigaw kasi e daig pa ang naka-trumpa. Gusto kong ikawag-kawag ang paa ko para bitiwan niya ako. Pero kapag nabitiwan niya naman ako ay tiyak na sahig ang sasalo sa akin.
Di bale na Lurena. I-enjoy mo na lang ang moment na nasa bisig ka ni Hades. Kasi sa susunod si Obrey na ang bubuhatin niyan at hindi na ikaw!
Ay walangya. Bakit iyan ang naisip ko?
Dumaan kami sa malaking bulwagan ng mansion. Napatingala ako sa taas. Ang babasaging ceiling ay may nakaguhit na mga anghel. Kung bet pala ng pamilya ni Hades ang mga anghel e bakit pinanganak siyang demonyo?
Napanguso ako. Kaya lang napansin kong may mata na nakatuon sa akin. Napatingin tuloy ako kay Hades. At tama nga. Nakatitig siya sa akin. Medyo nakaawang ang bibig niya pero
