Napaisip ako. Sino pala ang nagbihis sa akin kagabi? Dahil sa pagod sa paglangoy ay nakatulog na ako kagabi. Basa ang sout ko at hindi ko na namalayan kung sino ang nagpalit ng damit ko. Walang babae sa laot noong gabing iyon. Puros lalaki ang mga tauhan niya. Pinabihisan niya ako sa mga tauhan niya?
Nag-ugat ang sentido ko sa ideyang iyon. Paniguradong iyon nga ang ginawa niya. Tiyak pinagpyestahan na ng mga mata ng tauhan niya ang katawan ko.
Iritado na hinila ko ang braso ko sa kaniya. Ako mismo ang naghanap ng bra sa closet. Nakatayo siya sa may pinto at nakasunod lang ang mata niya sa akin. Gustong gusto ko nang padapuin ang kamao ko sa pagmumukha niya.
Tuwing naiisip kong pinabihisan niya ako sa mga tauhan niyang lalaki dito ay parang gusto ko nang magwala. Mga lalaki iyon. Babae
