“Ha?” Tila nabingi ako. Parang gusto kong marinig ulit. Pakiramdam ko kasi ay nagkamali lang ako ng pandinig.
“I want to meet your daughter.”
Nalaglag ang panga ko at hindi agad nakahuma sa kinatatayuan. Nagbibiro lang siya, di ba? Bakit niya gugustuhing makaharap ang anak ko? Sinabi ko na sa kaniyang anak ko si Tinay kay Harry.
Galit siya sa nabalitaan niyang pinalaglag ko ang anak niya. Paniguradong nasagi ang ego niya matapos niyang mabalitaan ang pagkawala ng anak niya at nagawa ko pang makipagrelasyon kay Harry. And to think na inamin ko rin na may anak na rin kami ng pinsan niya. Sino bang mag-aakalang maaapektuhan siya ng ganito kalala? At pagkatapos niyang magalit sa akin ay biglang gusto niyang makita ang anak ko? Ano 'yon?
“B-Bakit?” Hilaw akong natawa.
Kumunot ang noo niy
