Pagkatapos ng meeting na pinuntahan nila Archer at Binggo ay dumiretso agad sila sa restaurant para manghalian. Ang sarap ng kain at kuwentuhan nila ng biglang mapalingon si Binggo sa entrance door ng kinakainan nilang restaurant, pumasok kasi roon si Tiffa, hindi ito nag-iisa, may kasama itong lalaki. Agad na inasiste ang mga ito ng staff ng restaurant at binigyan ng mauupuan. Sa bawat kilos ni Tiffa at ng lalaking kasama nito ay nakamasid lang si Binggo, hanggang sa hindi na siya makatiis.
"Tol, 'di ba si Miss Sungit 'yon? Mukhang may ka-date ang asawa mo, ah. Kilala mo ba kung sino ang kasama niya?"
Nangunot ang noo ni Archer, tiningnan niya ng masama ang kaibigang si Binggo sa pag-aakalang binibiro siya nito.
"Oh, bakit? Tingnan mo kasi para maniwala ka."
Napilitan si Archer na ib
