Sa mga lumipas na araw ay naging malapit na sa isa't-isa sila Tiffa at Ross, madalas silang kumain sa labas ng magkasama. Nae-enjoy ni Tiffa ang company ni Ross, palabiro kasi ito at lagi siyang napapasaya. Napapansin ni Archer ang mga bagay na iyon ngunit binabalewala na lamang niya. Wala pa siya sa kondisyon na komprontahin ito dahil wala naman siyang nakikitang kakaiba sa dalawa bukod sa lagi lang ang mga itong magkasama.
Ngayong araw ay schedule niya para pumasok sa Valencia Corporation. Dumaan muna siya sa opisina ni Tiffa at naabutan niya ito na abala sa kaniyang laptop. Kahit magkasama sila sa iisang bahay ay bihira naman silang magkita. Kapag umuuwi siya ay pinakamaaga na ang alas onse ng gabi. Minsan ay inuumaga na siya sa labas kaya pagdating niya ay tulog na si Tiffa. Sa umaga
