"Where are you going?"
Muntik nang mapalundag sa gulat si Tiffa. Hindi pa man niya nahahawakan ang doorknob ay natigilan na siya ng magsalita si Archer. Hindi niya ito napansin kanina ng dumaan siya.
Nakatayo ito malapit sa pinto at may bitbit na tasa ng kape.
"Huh!"
"Ang sabi ko, saan ka pupunta?" May iritasyon sa tono ng boses ni Archer nang hindi agad sagutin ni Tiffa ang tanong niya.
"Ah, ma-may pupuntahan lang ako," tarantang sagot ni Tiffa, hindi siya makatingin ng diretso kay Archer. Ewan ba niya, wala naman siyang ginagawang kasalanan kung bakit ba natatakot siya rito.
"Ang aga pa ah, alas sais pa lang ng umaga, saan naman ang lakad mo?"
Huminga ng malalim si Tiffa. Hindi niya nagustuhan ang pag uusisa ni Archer.
"Hindi ba napag usapan na natin 'to? Hindi mo ako pakikialam
